七千萬豪宅築愛巢？羅志祥傳9.12娶周揚青
20180502
東網電視
更多新聞短片
小豬近日被爆大手筆買入豪宅單位，似乎係準備迎娶周揚青！
台灣藝人羅志祥（小豬）同内地網紅女友周揚青自2015年大方認愛以嚟，一直感情穩定，而曾經表明自己係不婚主義者嘅小豬、拍拖後更開口講明視對方為結婚對象。
近日小豬被爆豪擲2.7億台幣（約7,300萬港元）買入內湖豪宅區一個約3,500平方呎嘅單位，加上佢被傳將會喺周揚青嘅30歲生日、9月12號迎娶女方，依家買樓、睇嚟係有意將新單位打造成佢同周揚青嘅愛巢！其實小豬早已於2013年以2.18億台幣（約5,800萬港元）買落同區同一幢嘅單位、將兩戶打通用作自住，依家佢照辦煮碗，等於坐擁4個合共約4.9億台幣（約1.3億港元）嘅單位！咁大手筆，小豬對周揚青真係唔話得。
周揚青以往曾公開承認整容，不過小豬指二人相識時女方尚未整容，並強調自己唔係貪圖樣貌先拍拖，而係被對方嘅性格吸引。周揚青獲小豬開腔力撐、又過埋羅媽媽嗰關，仲獲得大批粉絲嘅祝福同支持，佢哋拉埋天窗真係分分鐘嘅事呀！而對於小豬傳為結婚買房，佢嘅經紀公司回應：「藝人私事不干涉，謝謝關心。」
----------------------------
東網巨星開咗ig喇，大家快啲follow啦！