碩士畢業!陳法拉老外男友人肉速遞慶祝

20180502
東網電視
更多新聞短片
法拉碩士畢業,男友Emmanuel Straschnov當然開心。
藝人陳法拉身穿低胸裝出席酒吧開幕活動,她表示剛完成於美國修讀的戲劇碩士課程,因此非常開心,而早前先後到了紐約及洛杉磯畢業演出,她表示演出後與同學吃飯及飲酒慶祝,4年來與同學之間感情要好,坦言感到不捨得:「飯後傾偈輪流講以前嘅經歷,見證大家唔同成長同轉變,有啲同學18歲入嚟讀,呢幾年成長咗好多,自己亦成熟咗,呢4年大家互相扶持。」
談到未來工作去向,法拉表示畢業後重投工作,現在正洽談多個內地、香港及美國劇本。問到想挑戰甚麼角色?她表示4來間演過不少角色,就連80歲老婆婆也演過:「呢4年咩戲癮都過晒,因為學校有唔同角色畀我試,同自己性格相反或唔同,所以希望嚟緊可以做啲貼近自己、貼地嘅角色,反而更加有挑戰。(無綫有冇搵你?)未同我傾,依家睇緊電影劇本。(去荷里活發展?)見到呢兩年美國市場變得好快,多咗亞洲面孔、爭議性嘅女性角色,我覺得有希望。(底線?)唔會set框架限住自己,唔想畀人覺得亞洲面孔通常只係性感、打女、講中國口音嘅英文,希望可以有變化。」她表示現時在美國居住,愛貓亦在當地:「睇吓遲啲喺邊度工作,如果返嚟做嘢會搬番香港。(男友Emmanuel Straschnov呢?)佢喺美國做嘢,佢好支持我嘅工作。依家想專注工作,有好多唔同工作機會,希望投入多啲,如果有時間都想見多啲男友,佢都會飛嚟搵我。」
----------------------------
東網巨星開咗ig喇,大家快啲follow啦!