陳慧琳透Bra晒長腿力撐張家輝！

女星陳慧琳（Kelly）到九龍灣出席新片《低壓槽》群星首映禮，Kelly以一身透視裝晒長腿搶眼亮相，力撐同門師兄弟張家輝。

Kelly一身打扮搶眼，她笑言：「夏天嘛！我重點係長腿同對鞋，但家輝竟然問我做乜帶兩隻狗嚟，其實啲羽毛係翼。（今晚夜蒲問准兩個仔？）係呀，今日冇教佢哋做功課就出嚟。（同家輝傾合作？）其實佢上一部作品我都有客串，都怕佢啲角色太難我演唔到，同埋佢角色好似個個都奸。（抗拒做奸角？）都想做奸角，好玩架。睇吓佢呢部戲表現點先！」

Kelly好友黎明誕女，她表示仍未見過B女：「我都唔八卦，不過BB喎！我當然想睇啦！見到面會問問佢。（傾吓育兒話題？）冇喎，但都希望佢有心理準備畀人影，我都明佢心情，當時我生第一胎，都覺得好似畀人包圍咗間醫院，抖唔到氣。但都要慢慢適應，小朋友好快大個要返學，就算冇記者都有家長影你，係避唔到。我早排都畀人影咗，係記者定家長我都唔識分。」Kelly指現時出門最重要是打扮整齊，就不怕被影到。