影帝古天樂奉旨?宣萱個胸
20180503
東網電視
更多新聞短片
宣萱咁性感，難怪古仔都興奮！
影帝古天樂和宣萱以嘉賓身份出席MIKIMOTO 125周年慶祝活動，古仔到場時甫見拍檔宣萱心口前頸鏈即賣口乖，大讚頸鏈好靚之餘，亦不忘讚宣萱夠瘦，氹得宣萱開心不已，古仔不諱言今次奉旨望宣萱個胸，因為目標太大，宣萱笑指以往也曾獲古仔稱讚，但語氣與現時一樣假，更謂：「佢都係話靚同好囉！」
800萬對古仔濕濕碎
對於宣萱身上耳環及頸鏈總值800萬港幣，古仔即吞口水，卻遭宣萱取笑：「呢啲對你嚟講好少，當跌咗啦！我想古仔送佢身上個扣針畀我，碎石都開心，物輕情義重嘛！」
拍戲怕受傷
談到二人即將於電影合作，宣萱表示會待旅行返港後才入組，問到與影帝古仔合作會否緊張？她謂：「唔理佢，識咗咁多年，叫佢教我做戲囉！佢電影經驗比我多，我就拍電視多，好在今次戲份冇粗暴嘢，因為好驚受傷，之前內地拍嘢危險動作時，隻手會拎住兔同老虎玉吊墜，今年犯太歲，戴咗會心安啲！」
唔係事實唔回應
古仔對於近日被指有新歡，他一如過往答案：「唔係事實唔回應，我都想知幾時有。」宣萱聞言即揶揄他謂：「呢個唔係新歡係舊愛。」古仔卻無奈謂：「費事睬你！」
----------------------------
東網巨星開咗ig喇，大家快啲follow啦！