拍徐小明開騷 Viktoria Tocca怕唱廣東歌
20180503
東網電視
更多新聞短片
Viktoria Tocca怕唱廣東歌發音唔啱而得罪人。
瑞典歌手Viktoria Tocca與徐小明到九龍灣為5月6日為學校籌款的慈善音樂會綵排，徐小明在樂團伴奏下演唱《男兒當自強》，甚有氣勢！受訪時，Viktoria笑指自己的廣東話有限，只會說「你好」和「謝謝」：「我之前喺北京參與大型演唱會，有2萬個觀眾，我要用普通話講『中國』，我對唱歌唔緊張，但對正確讀音真係好緊張。」她指這次不用講中文，因此不緊張：「可能佢哋到嗰日先同我講，咁我會好恐慌。佢哋有叫我唱少少廣東歌，不過時間太短，我唔想因為發音唔啱而得罪人。」
讚《海闊天空》好聽
她坦言想唱廣東歌或普通話歌，但需要時間練習。問到可有喜歡的廣東歌？她表示聽過小朋友唱《海闊天空》，大讚歌曲好聽和充滿力量。提到有音樂人為她創作關於獨角獸的歌曲，她透露將收錄於新碟之中，又形容中樂很有力量，希望多在音樂上中西合璧。另外，她指這次來港尚未有時間四處逛，因為前一天去了澳門：「我嚟過香港6次，去過兩個主題樂園，我好鍾意動物，紅熊貓同熊貓都好可愛！」
未有機會合唱
徐小明指這次時間有限，兩人未有機會合唱：「好期望！佢真係好出色嘅歌手，如果有機會Fusion都好，我鍾意唱中國小調，佢嘅歌劇就好出色。」他坦言很開心為有需要的小朋友籌錢起校舍及宿舍。
----------------------------
東網巨星開咗ig喇，大家快啲follow啦！