好冇信心喎！唐詩詠挑杜汶澤機顯廚藝

視后唐詩詠（3日）正日生日，日前詩詠正拍攝新劇《白色強人》，更與同劇的張曦雯及李佳芯夥同《東張西望》主持利穎怡於電視廣播城錄影廠門外給詩詠送上驚喜，三人當時齊齊着晒醫生袍準備拍做手術的戲份，包晒頭咁慶祝生日都相當搞笑。

工作人員更送上一個煲給詩詠，因為獲封視后時表示想給好友田蕊妮煮大餐，不過當主持問到詩詠廚藝如何時，她即笑言:「一般㗎咋！」唔知阿田到最終有冇機會食到佢嗰餐呢？