求1986年舊照！彭秀慧晒與發哥合照嗌興奮

出爐金像獎「新進導演」彭秀慧最近忙完日本嘅電視宣傳同狗狗嘅後事，終於有時間可以去聽吓分享會。呢日彭秀慧就喺社交網上傳咗一張佢同周潤發（發哥）嘅合照，留言大嗌興奮，佢仲話今次已經係第二次同發哥影相，第一次係1986年嘅事嚟，說：「興奮難掩　有機會聽他分享電影拍攝　還可以親手把DVD送上。這是我第二次跟發哥合照　對上一次是1986年　他在尖沙咀拍攝龍虎風雲　我一個?妹連續兩星期三更夜半站在街上幾小時　只為睇拍戲　發哥啊　好想再現場看你演戲啊。」一班網友睇到都話好羨慕佢呀，仲留言問彭秀慧會唔會放番當年嗰張合照出嚟添，一向咁錫粉絲嘅佢當然唔會say no喇，不過佢就叫大家畀啲時間佢搵番張相出嚟呀。相信一班粉絲都會耐心等待嘅！