MIKIMOTO星閃閃！宣萱珍珠鏈引古仔目不轉睛
20180504
東網電視
更多新聞短片
真係衣香鬢影！
古天樂、宣萱、李佳芯、林夏薇、童愛玲、貝安琪、利嘉兒等嘉賓昨晚出席「MIKIMOTO 125周年高級珠寶展覽」活動，老友鬼鬼的古仔與宣萱甫見面即互窒對方，眼見宣萱心口前的大型頸鏈，古仔起初賣口乖讚頸鏈「又大抽又靚」，同時也不忘讚宣萱又瘦又靚，氹得伊人開心不已，但未幾便指今次奉旨望宣萱胸部，因為目標（頸鏈）太大，令宣萱哭笑不得，笑言以往也曾獲古仔稱讚，但語氣與現時一樣假。
宣萱戴上品牌的「Praise to Nature」高級珠寶系列的珍珠頸鏈等，總值800萬港元，古仔即吞口水，沒料卻遭宣萱取笑：「呢啲對你嚟講好少，當跌咗啦！我想古仔送佢身上個扣針畀我，碎石都開心，物輕情義重嘛。」
影帝叫拍檔教戲
談到二人將合作拍電影，宣萱表示會待旅行返港後才入組，問到與「升呢」影帝的古仔合作會否緊張？她說：「唔理佢啦！都識咗咁多年，到時叫佢教我做戲囉。佢電影經驗比我多，我就拍電視多，好在今次戲份冇粗暴嘢，因為好驚受傷。之前喺內地拍危險動作時，隻手會拎住馬、兔同老虎玉吊墜，今年犯太歲，戴咗會心安啲。」
古仔對於近日被指有新歡，他一如過往答案： 「唔係事實唔回應，我都想知幾時有。」宣萱聞言即揶揄他：「呢個唔係新歡係舊愛。」古仔無奈說：「費事睬你！」
李佳芯心癮起買瑰寶
藝人李佳芯身穿紅色連身長裙現身，她笑言佩戴珠寶時看到「心頭好」：「女人真係唔可以有空閒，因為一定有衝動Shopping，頭先我睇中一條黑珍珠鏈，要成七、八位數字（價
錢）。」問到是否很有衝動買？她笑言：「係好想！（想買樓先定買鏈先？）我比較實際，會先買樓。」問李佳芯會否考慮與男友夾份買樓？她即謂：「點解要夾？（傳你哋結婚嘛！）買樓唔一定要結婚先買。（今年得唔得？）唔貪心都得，呢個係長線投資，會睇啱先做決定。」
同場的林夏薇身穿白色連身裙配珍珠頸鏈，盡顯高貴，她直言能夠出席活動感到高興：「就嚟母親節，想幫媽咪準備禮物，珍珠代表健康、吉祥、高貴，媽咪都鍾意，睇啱就可以送畀佢！」
全新系列工藝超凡
今年是MIKIMOTO創始人御木本幸吉開啟珍珠養殖先河125周年紀念，為慶祝新一頁，品牌特別於今日起一連三天， 在國際金融中心舉行「MIKIMOTO 125周年高級珠寶展覽」， 特意將1937年於巴黎世界博覽會上亮相的和服帶扣「矢車 YAGURUMA」經典作品帶到香港及展出以其為靈感創作的全新珠寶系列，更有一系列專程由東京運抵的高級珠寶，以及全新Les Pétales Place Vendome珠寶系列，展現品牌的精湛工藝。
----------------------------
東網巨星開咗ig喇，大家快啲follow啦！