五月天開騷 張繼聰細佬交代交通安排

20180504
東網電視
更多新聞短片
台灣天團五月天今日喺香港主題樂園開騷,張繼聰細佬張繼安以警員身份為警方報道安通安排。
台灣天團五月天今日喺香港主題樂園開騷,歌迷都好緊張。至於交通安排都係大家要注意嘅事項,香港警察facebook專頁都製作咗一條短片,交待交通工具嘅安排情況,當中嘅亮點係片中主持人原來係藝人張繼聰個細佬張繼安。
身穿裇衫出鏡嘅張繼安依然見到佢魁悟嘅身形,真係拍得住阿哥咁大隻!而另一亮點就係佢嘅對白,係透過五月天嘅歌曲名字嚟串連出嚟,當中包括《溫柔》、《突然好想你》、《後來的我們》,對「五迷」貼心之外仲好貼地。
可惜搞網頁嗰位阿Sir做漏嘢,Tag晒五月天成員嘅帳號,但偏偏Tag漏咗鼓手冠佑,但就Tag咗技師團團長士杰。
此外,網民立即刻將張繼安起底,話佢加入警隊後由機場特警組調到做警察公共關係科(PPRB)警員,主力社交媒體推廣嘅工作。
----------------------------
東網巨星開咗ig喇,大家快啲follow啦!