王宗堯未同蕭定一續約：唔係完嗰日先傾咩？

藝人王宗堯與蔡明思（Jessica@SuperGirls）到青衣為劇集《向西聞記》之《碌架床》拍攝「床戲」，Jessica透露二人曾合作過一部以消防為題材的劇集，問今次是否同樣「火熱」？宗堯表示：「熱㗎，工作人員唔識較冷氣，以為較到最細係最涼，可能嫌我哋唔夠激啦！」Jessica笑指宗堯熱到出紅疹，而自己知道有床戲後有與好姊妹余香凝（Jennifer）分享，笑言：「因為係意識上嘅床戲，Jennifer問我啲呻吟O唔OK，我哋搞笑咁試咗幾聲，佢之後一直追問我床戲拍成點！」

而有指因公司力捧同門的張建聲，被冷待的王宗堯萌生退意打算不續約？宗堯未有正面回答，僅表示與老闆蕭定一仍有半年約：「唔係到完嗰日先傾咩？同阿一都有傾開方向，都想我拍番多啲電影，唔係紙上面咁分明嗰種關係。（有公司向你招手？）同好多電影單位都係朋友，最緊要可以拍香港電影。」