吳浩康忍痛宣布同有米女友分手：心仍愛她

歌手吳浩康（Deep）多次傳出與有米女友李昭南（Michelle）離離合合，之前更指Deep已箍煲成功。不過Deep今日就喺社交網發帖文宣布分手，仲感謝女友李昭南一直以嚟嘅陪伴同支持：「這兩年我們一起努力過、堅持過，她陪我走過很多難捱嘅時刻，一直走到現在，心中仍然很愛她，但經過我們深思熟慮後，決定了是時候要分道揚鑣了，多謝大家嘅關心和曾經擔心，我們會繼續努力李昭南加油呀！永遠支持你！」好多網民都表示可惜，仲話最無奈係：「錯的時間遇上對的人！」

隨後Michelle亦喺網上承認「分」訊，並留言感謝對方：「我地（哋）兩個人，一步一步互相扶持，經歷兩年，好唔容易行到今日，終於決定分道揚鑣。你永遠都係我尊重嘅師兄同好朋友，永遠感激你對我嘅愛錫，永遠支持你。繼續努力，繼續加油！#且行且珍惜 #擇日紅館」

---------------------------

東網巨星開咗ig喇，大家快啲follow啦！