微博粉絲過億　帶挈謝娜破健力士世界紀錄

東網電視

破健力士世界紀錄呀！威！！

內地藝人謝娜的微博粉絲日前正式破億，成為首位微博粉絲破億的藝人，又寫長文感謝網友，又送自拍等，真係睇見都高興。不過原來唔止咁，今次破億佢直頭破埋健力士世界紀錄，仲獲得「第一個累計粉絲數量達到1億的微博帳戶」和「粉絲數最多的微博帳戶（女性）」稱號。

同Katy Perry　Justin Bieber齊名

喺錄製《快樂大本營》上，謝娜收到健力士世界紀錄頒發嘅證書。對於連續和粉絲共同創下新嘅世界紀錄，佢表示好榮幸成為微博首個破億藝人，感謝粉絲同觀眾朋友們嘅支持與關注，感謝健力士頒發證書，感謝微博提供給大家一起成長並分享快樂的平臺，今後會繼續為大家傳播快樂。

健力士世界紀錄全球紀錄管理部門高級副總裁兼大中華區總經理Marco Frigatti表示，謝娜粉絲量增速驚人，喺不到一年時間入面增長近千萬粉絲，從而破億，足以證明她強大社交影響力。而謝娜亦因此同Katy Perry、Justin Bieber一樣躋身社交媒體平台「一億粉絲俱樂部」。

一年閱讀量過百億次

自2009年以嚟，謝娜喺微博上發布咗9300多條博文、5500多張圖片。僅2017年，謝娜微博互動量就達到1.4億次，閱讀量更是達到125.7億次。從2016年到依家，謝娜190次登上微博熱搜榜，累計熱搜人氣值超過5.2億。

----------------------------

東網巨星開咗ig喇，大家快啲follow啦！

on.cc東網