李晨威水拎最受歡迎導演 范丞丞認證嗌姐夫

20180507
東網電視
更多新聞短片
係開心嘅~~

大陸男星李晨同女友范冰冰一直都話會喺今年下半年拉埋天窗,不過都只聞樓梯響,二人工作未停過手,冰冰成日飛嚟飛去冇時停,李晨就忙主持綜藝節目同宣傳,網友都擔心二人冇時間搞婚禮事宜。

尋晚咁啱係北京大學生電影節閉幕式暨頒獎典禮,當中李晨榮獲「最受歡迎導演」獎,受訪時佢表示被大家認可感到十分開心,未來將再接再厲。另外佢又提到未來舅仔、范冰冰弟弟范丞丞,指早前齊齊錄節目,李晨表揚丞丞大個仔:「在節目裏表現也蠻可愛的,都家裏人吧,感覺很有意思,你會覺得弟弟還特別照顧你,幫你遞毛巾、遞水甚麼的。」

李晨都開到口叫丞丞做「家裏人」,兩個關係都夠晒親喇,不過都仲未算,丞丞自己都有喺微博轉發李晨得獎嘅博文,仲留言:「姐,你還在拍嗎?我姐夫拿大獎了!」公開認證嗌「姐夫」,加埋冰冰自己都喺微博放閃,指「未來的路,陪你一起走,加油!」,真係等聽你哋婚禮嘅好消息呀!

----------------------------
東網巨星開咗ig喇,大家快啲follow啦!
https://goo.gl/KGuo2N