劉雅麗揼本搞舞台劇：場場爆都係打個和

藝人劉雅麗和譚偉權出席電台訪問，提到兩人7月合作演出《絕代芳華》舞台劇，問到故事是否梅艷芳和張國榮的故事？劉雅麗說是為紀念兩位巨星逝世15周年的一個創作劇，並非模仿，主要講述兩個巨星的友誼和巨星面對的壓力。她說：「本來我哋想翻唱佢哋嘅歌用作宣傳用，搵各大公司攞版權，但限制好多，又要睇我哋故事藍本，又唔畀我哋放各大平台播，最後決定自己做咗呢首《若我再活多一次》，曲詞係合作慣既團隊做，新歌旋律有啲《似水流年》《風繼續吹》，似口水歌，真係錯有錯着，大家聽完都好感動。」譚偉權表示：「自己唱都頂唔順，因為歌詞好正。」劉雅麗直言是塞翁失馬，焉知非福，她說：「我哋唔想扮阿梅（梅艷芳）和哥哥（張國榮），唔想畀人話我哋邊度似呀？可能係有啲佢哋嘅影子，佢哋兩個初出道時都畀人噓，成為巨星，又做過告別演唱會，今次主要係唱好佢哋啲歌，我哋本身又係佢哋嘅歌迷。」

劉雅麗說今次會選之前做《蔓珠莎華》時冇唱過的歌，大約會唱超過50首歌。劉雅麗透露是次舞台劇乃揼本之作，有live band，舞台燈光都落足重本，她笑言：「就算場場爆都係打個和，冇乜錢賺。（加場？）效果好都可以，但我堅持唔會一日唱兩場，日夜兩場會死，講到明，死都唔加日場。」