Twins成都合體　小粉絲：未出世就鍾意你哋

Twins成員蔡卓妍（阿Sa）同鍾欣潼（阿嬌）踏入五月二人再次合體，日前她們為EP《花約》於成都舉行簽售會，下星期就會飛美加舉行LOL巡迴演唱會。

簽售會當日，阿Sa以一件一字膊的花花上衣現身，跟EP主題非常配合，而阿嬌就以一件簡約的白色恤衫上陣。活動上，簽碟合照是指定動作，當然亦有同fans互動的環節。當中有一位由杭州趕來的媽媽fans，她更帶同她六歲的女兒到來，當女兒跟Twins在台上聊天時，女兒便說：「我未出世、喺媽咪個肚入面嘅時候已經鍾意你哋㗎啦！」原來「細細個已經聽你嘅歌」這句已經out咗，現在要說「未出世」才行，不過這也逗得Twins很開心。

大會司儀問Twins對成都的印象時，阿嬌說：「成都嘅朋友真係好熱情，我哋啱啱落機就有好多歌迷嚟接機。」而阿Sa就對成都美食念念不忘，「成都有好多好嘢食，我特別鍾意打邊爐。」