咁開放？陳嘉莉小息孖同學睇AV

藝人陳嘉莉（Kelly）為劇集《向西聞記》之《獨男愛的機會》拍攝，她表示同時間開兩套劇，今次會飾演OL以清純形象示人，劇情講述在節日被班朋友放飛機，故相約男士食晚飯，怎料見到對方睇成人電影。問現實中有否睇過AV？她笑言：「中學嗰時趁小息同啲男女同學睇，我當笑片睇唔會尷尬，來源係個男同學拎返嚟。（有冇諗過啲AV女優咁受歡迎？）有諗，可能身材好，演技都需要好，要拍到愛嘅感覺，扮得似都好難。」

談及早前跟郭偉亮於《性敢中環》有車震鏡頭，問可有翻睇重播？她說：「都有，但最激嗰幕未拍，5月底會同個日本男演員拍，但仲未見過佢。（有冇睇AV取經？）暗暗地都要溫書。（會學定幾句日文？）其實唔使，用Body Language。」