朱晨麗同千嬅做閨蜜　笑到標眼水

無綫新劇《多功能老婆》演員朱晨麗早上起程到日本拍攝外景，為劇集剪了一頭短髮的朱晨麗劇中與楊千嬅飾演閨蜜，她說：「最初有啲擔心一開工就要同拍好friend閨蜜嘅戲份，好在劇組安排咗圍讀，大家相處咗兩日會熟絡啲，千嬅好好笑、好可愛、好得意。」

朱晨麗讚千嬅笑點低，她笑說：「我有時講錯咗啲嘢，佢就已經喺度哈哈笑笑，佢笑點好低，但係影響力好大，佢成日笑令到個氣氛好好，我都冇咁緊張，不過我都要練吓忍笑，排戲都笑到標眼水。」朱晨麗原來是首次去日本，期待空閒時間去shopping，她笑謂要請教日本「地膽」千嬅shopping心得。