抱小朋友扯到！陳柏宇大肚老婆搞到出血
20180509
東網電視
更多新聞短片
好彩冇咩事！
歌手陳柏宇（Jason）早前因「棄養」事件搞到好大件事，仲同老婆符曉薇抱唔同意見。近日，陳柏宇就去咗澳門開騷，太太都有去撐場，但符曉薇睇完騷之後唔係好舒服！符曉薇喺ig講番呢件事，佢仲話自己出血添，佢留言：「自澳門返黎（嚟）除左（咗）睇醫生之外，都無出過街，因為一落船竟然出血，只怪自己又抱小朋友，又捱夜又唔夠休息，而（依）家要係（喺）屋企休養，工又無得返，街又無得出，本來星期六去韓國之旅，都要取消，過乖寶寶，不過大家唔使擔心，醫生話休養下就無事。」真係乖乖哋，唔好去韓國住喇！
陳柏宇接受東網訪問，佢話：「冇咩嘢，醫生話唔係好大問題，係扯到嘅啫，同抱小朋友有關係嘅，都冇流血喇，休息吓就冇事。」而符曉薇就話：「醫生冇話佗唔穩，BB心跳各方面都好活躍，唔使擔心，應係係扯親，同埋唔夠瞓，要喺香港休息。連去韓國嘅機票都取消埋，Jason媽媽照顧住我。」
----------------------------
東網巨星開咗ig喇，大家快啲follow啦！