高過游生！曾華倩仔仔身高1.91米

藝人曾華倩為亞視節目《今晚見》擔任主持，日前她與囝囝赴馬來西亞，在機場巧遇吳家樂、袁文傑與鄭浩南等老友，見到同樣曾服務亞視的袁文傑，華倩笑言：「我話游生（袁文傑）你過咗TVB，我就返咗ATV喇！（囝囝高啲定袁文傑高啲？）原來個仔都高過「高佬」（袁文傑）！佢依家191CM。（拍拖未？）順其自然啦！都無所謂。」

華倩與鄭浩南則是在候機室相遇，二人十多年不見，笑指浩南以前較高挑大隻，現在好似有點「縮水」。華倩笑言浩南好熱情，但其實自己因早機不夠休息，只想好好瞓一覺：「佢仲叫我坐佢旁邊，好彩我一早拒絕，一陣瞓到流口水，頭仲挨埋落去，一陣畀人影低就水洗都唔清。傾開先知佢老婆係馬來西亞人，會內地馬來西亞兩邊走。」

早前有傳亞視被老闆「閂水喉」，高層吳雨更被轉任顧問，華倩表示對亞視有信心，公司每個月都準時出糧，望大家給予時間亞視重生及成長。