結婚兩周年　盧凱彤晒婚戒相慶祝

歌手盧凱彤（Ellen）去年六月大方宣布出櫃兼承認於2016年與同性密友余靜萍拉埋天窗，話咁快佢哋兩個就已經結咗婚兩年啦！今日Ellen就喺社交網晒出佢哋嘅婚戒，並留言：「We are ordinary people with an ordinary love story.（我們只是普通人與普通的愛情故事。） #loveislove #結婚兩周年 #一眨眼 #婚姻平權」相中見二人緊握住彼此嘅手，手執一束花之餘，更大方晒出簡約嘅婚戒。雖然簡單，但仍流露出滿滿的幸福感覺。不少網民都紛紛為二人送上祝福，而好友鄭欣宜亦有留言祝賀。