超豪!劉嘉玲一見鍾情買皇冠

20180510
東網電視
更多新聞短片
嘉玲認真豪氣 ~
藝人劉嘉玲以黑色透視晚裝出席「卡地亞Résonances de Cartier高級珠寶展晚宴」,她透露昨日試戴了一頂古董皇冠,結果一戴便愛上並購買羅致旗下,但未有透露價錢,她說:「好鍾意,唔好講幾錢,自己一向有留意特別嘅珠寶同藝術品,戴上去好似(係)我嘅,就好想擁有喇,買係自己開心。啲畫擺喺屋企都開心,呢個皇冠係1906年,好難得。」據了解該皇冠價值不菲,其精湛工藝及極具投資價值,值得珍藏。
同老公財政獨立
問到丈夫梁朝偉是否有購買珠寶的習慣,她說:「大家嗜好唔同,佢鍾意女人戴珠寶,我係佢最靚嘅珠寶。」問到購下了的古董皇冠是否由老公付款,她說:「唔係,我哋獨立嘅。我都唔敢同佢講幾錢。(老公平時有送珠寶?)會。(最貴和最喜歡是那一件?)好多嘢都係,我嘅係我嘅,佢嘅都係我嘅。我都會選擇呢個品牌嘅珠寶畀奶奶同媽咪,平時都會,亦會慶祝母親節。」
恭喜余文樂做老竇
提到余文樂榮升父親,劉嘉玲送上祝福表示:「恭喜晒,不過我冇佢電話,下次見到面再同佢講。」提到日前與苗僑偉和戚美珍飯局,劉嘉玲透露當晚見番很多無綫的舊同事和朋友,她說:「胡楓好健康,仲自己揸車。(網民讚苗僑偉保養得好好)我都唔弱吖。(羨慕?)我都會朝呢個方向努力,快快樂樂、慢慢變老,做自己開心嘅事。豐富人生。」