【Bingo】Christy Check親男友手機都出事

20180511
東網電視
更多新聞短片
Christy(左)啲直覺都幾準喎!
組合Bingo到新城宣傳新國語歌《疑心病》,坦言首次推出悲情慢歌:「今次啲舞全部都係我哋自己排,由錄歌開始諗到上台前,拍MV之後都仲想再好啲,前後諗咗大半年!用心做觀眾真係會感受到。」她們又表示公司正安排她們打入內地及不同市場,因此推出國語歌。
自認疑心重
成員Christy大讚師妹潘欣妮的歌詞很到肉,令人很有共鳴:「好似講緊自己,唱嗰陣好有感覺。喺MV我有個鏡頭係拎住電話諗番啲回憶,連經理人睇到都話好心痛。(你疑心好重?)係,我信就100%信,男友手機擺喺度都唔掂,但唔信就100%唔信,一Check就一定瀨嘢!」成員Carman即建議她買六合彩!而成員Katie就自言決絕,一旦不相信另一半,就連Check都費事,直接一刀兩斷,情況跟新歌的Rap詞一樣。成員Odilia就透露這些度身訂造的Rap詞是後期加入,但能夠令歌曲更有層次。
太Strong男仔唔Buy
說到最近常常做School Tour,Bingo稱學生的反應十分熱情:「佢哋鍾意姐姐!我哋有時Focus喺男同學身上,但女同學嘅市場更加大!我哋比較硬朗型,好受女同學歡迎,男仔可能覺得我哋太Strong。」Carman笑言她們都有Sweet的一面,落台跟他們握手和互動時令到全場尖叫!
----------------------------
東網巨星開咗ig喇,大家快啲follow啦!