生活似喜劇　謝安琪同麥浚龍首合體爭酬勞

歌手謝安琪（Kay）及麥浚龍（Juno）首次以「老闆員工」身份合體現身手袋品牌活動，其中Kay擔任一日店長，全黑打扮、兩邊手袖位加有品牌袋設計，時尚登場，向同樣以一身型格黑色打扮的星級客人Juno，分別推介粉紅色及紅色手袋，不過Juno最後都情歸黑色，選擇了黑色手挽大袋。

爭唔掂就合唱

活動後二人一同受訪，Juno利申其實好多顏色都鍾意，但最鍾意都是黑色，二人更不約而同話有好多黑色衫，因為最好襯：「每次開會、食飯見大家都係着黑色，好夾。」問到首次合體酬勞是否豐厚，Juno笑話係開心價。談到二人可會平分酬勞時，Kay搶答話要爭吓先：「好似啲歌咁，都要爭，爭唔掂就合唱。」

Hard Sell自己

Juno隨即表示Kay現正錄製新歌，應該會於暑假前派台，至於新碟就會於年尾推出。Kay表示今次大碟會由Juno擔任監製：「返錄音室佢全程都有陪同支持我，幫我打氣同畀意見。」二人會合唱？Juno打趣話現時是「合作」：「合唱就之後嘅事，依家忙緊為電影《風林火山》做後期，但因為個維也納剪接師入咗醫院，套戲最快要2019年先上到。」之後會唱歌？他透露都會出歌，現時正寫緊幾個劇本，向多方面發展。會搵Kay做主角？Juno大讚她是她演員，在旁的Kay亦不忘Hard Sell自己話：「我可塑性好高，依家每日都有唔同體驗，享受人生，會勇於嘗試，又會發掘趣事，唔會因為隨年紀而覺得生活好乏味，可以做喜劇，因為依家生活都幾喜劇。」Juno笑話或之後會合作拍喜劇。

Book枱慶祝母親節

講到最近盛傳會簽薛凱琪做旗下歌手，Juno澄清只是傳聞。至於問到Kay的仔女如何跟自己慶祝母親節？她表示不清楚：「唔咁早問啦，可能佢哋都有神秘嘢，不過自己就一早Book好枱同媽咪、奶奶慶祝。」

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/QUVUiC