狠心斷捨離!朱晨麗飄流上海誤會了媽媽

20180512
東網電視
更多新聞短片
因為媽媽希望朱朱能獨立,所以先唔探佢~
藝人朱晨麗現時正於東京拍攝無綫新劇《多功能老婆》,未知能否趕及母親節前返港,但她已率先親自下廚煮「愛心餐」給母親,與對方慶祝母親節,她更一早準備好禮物,望給媽媽送出驚喜。
朱朱透露當年10歲便隻身到上海求學,期間只有父親前來探望,母親從不露面,只埋頭苦幹工作,令她以為母親根本不喜歡她,故一直把這件事藏在心底,直至畢業後返家鄉,細問下才獲悉一直誤會母親,她謂:「原來媽咪想我自細學識獨立,唔想我見完佢成日喊住要返屋企,又冇心機讀書,自己又唔捨得,所以寧願自己辛苦,忍心唔見我,就算好掛住我都只放喺心上,從來都冇講出口,咁多年都自己默默承受。」
為報答母親無私付出,朱朱表示現時會努力工作賺錢,一有空便帶她出國旅行,放眼看看外面的世界,更慚愧謂:「有時工作會忽略咗父母,真係要say sorry,我會檢討自己,盡力孝順番父母,其實我成日帶媽咪去主題樂園,除咗想畀佢開心,亦因為我想搵番兒時感覺,缺少咗嘅童年回憶,所以會趁媽咪嚟香港會黐多啲!」
----------------------------
東網巨星開咗ig喇,大家快啲follow啦!