反省兼道歉　湯洛雯同媽咪性格太似易嗌交

無綫藝人湯洛雯在節目《學是學非》中有「靚湯」的花名，原來其母親後生時一樣非常省鏡，留了長髮的湯母外型清麗脫俗，靚湯完全遺傳了媽咪的優點！靚湯表示自己是家中長女，細妹比自己年幼九年，因此媽咪的關注力多在妹妹身上，自己比較獨立，母親管教她不算嚴，兩人關係更似朋友，但她笑言因她們性格太似，不時會嗌交，靚湯說：「媽咪比較倔強，唔會講對唔住，多數係我自我反省然後道歉，否則媽咪真係可以唔睬我兩星期！（有冇邊件事最感受到媽咪好錫你？）細細個嗰陣我哋住大埔，但我小學去咗跑馬地讀書，媽咪就每朝六點車我出去，喺車度瞓等到我放學再車我返屋企，日日都係咁，我覺得媽咪好偉大。」靚湯表示每年母親節一家人都會食飯慶祝，亦曾試過整蛋糕做禮物，今年一家人到馬爾代夫旅行，慶祝母親節之餘亦為自己慶生。