十優的煩惱！麥明詩跨過風浪全靠Supermom

這個母親節，「十優港姐」麥明詩（Louisa）特別透過心意卡感謝媽咪何小娟的支持，她感謝媽咪的包容與耐性，以及對追求夢想的鼓勵。麥媽媽收到心意卡後十分窩心，笑言往年亦曾收過心意卡：「細個比較用心會自己整，依家比較慳皮，但第一次寫咁多字畀我。（收過最窩心嘅禮物？）最開心佢送手機畀我。」Louisa聞言笑說：「因為見到媽咪手機好慢，出post出到好勞氣，媽咪支持我做演員，我都想支持佢做育兒KOL，當然要部好手機方便去經營。」

今年Louisa因工作離港，一家四口相約夾時間提前慶祝，坦言母親節是如新年一樣的重大節日，Louisa笑言：「之前一直係嗲哋埋單，依家由我同哥哥埋單，喺屋企終於有啲存在價值！」

天生硬頸冇辦法

Louisa成績優秀想必是位乖乖女，麥媽媽表示：「其實佢同哥哥比係硬頸啲，好有主見，當年佢中學畢業話要去英國讀書，我心諗當然喺香港讀好，起碼慳過百萬，但呢個係佢選擇，我當然會放手，因為佢一直好有冒險精神。」受訪當日，麥媽媽一到場便向記者打聽網民對女兒的評價，足見她關懷女兒工作的心情，眼見女兒經歷各種風浪，心疼的麥媽媽坦言有勸過女兒放下工作：「見到佢辛苦，真係有忍唔住同佢講過，唔做演員都有大把工作，不過我知道佢自小鍾意跳舞、鍾意演戲，呢一份係佢鍾意嘅工作。」

揀男千祈咪花心

Louisa坦言藝人的工作性質特殊，很多事情自己不能控制，容易感到孤單，家人一直在情感上支持與叮囑，Louisa直言媽咪經常叮囑她找個男朋友：「真係講到出口叫我搵男朋友。（有咩條件？）老老實實、唔好花心，以前有機會發展嘅都有帶畀媽咪見過。（努力中？）朝住呢個目標，因為媽咪喺我心中係SUPERWOMAN，照顧家人同時讀咗兩個碩士，佢對我影響係根深蒂固，希望將來好似媽咪成家立室，同時有自己嘅工作。」

服飾：iBlues

場地：北京老家

---------------------------

東網巨星開咗ig喇，大家快啲follow啦！

https://goo.gl/KGuo2N