佗九個月巨肚！梁麗翹爆老公聽錯B女係賊
20180513
東網電視
更多新聞短片
Nicole佗住巨肚影寫真。
已懷孕九個月的無綫女藝人梁麗翹（Nicole）最近拍攝了一輯新大肚寫真，肚大如籮的她笑容間流露出幸福氣息！Nicole直言期待分娩，希望盡快跟BB見面：「要準備嘅嘢都大致準備好晒！朋友都話『萬事俱備，只欠宮縮』，好期待BB快啲出嚟同我哋見面，健健康康就心滿意足！」
Nicole又分享最近產檢的一件搞笑事，就是老公一度聽錯醫生話BB女似「賊」！她說：「產檢嗰陣見到BB個頭，醫生話我哋聽BB有頭髮，成個『擦』咁！之後我話如果BB出世真係有頭髮成個擦咁就好啦！我老公忍唔住講：『點解醫生係咁話我個女似個賊？』好搞笑！哈哈！」
Nicole又表示現時已停工準備生BB，笑言朋友都不敢約她，怕她飯局期間突然生得，但她說：「個個以為準媽咪應該攤喺床專心休養，但其實我係要日日出街散步當做運動，唔可以就咁攤喺度，所以請各位朋友仍然可以繼續約我去街！」
----------------------------
東網巨星開咗ig喇，大家快啲follow啦！