化身湊仔公　黃浩然一拖二帶仔仔返興趣班

「愛妻號」黃浩然於2005年與拍拖四年的富貴女友莫家嘉拉埋天窗，出名錫老婆的他婚後與緋聞絕緣，現時育有兩個分別7歲和5歲的兒子Kayden和Ransley，雖然二人結婚已經13年，但至今仍非常恩愛，浩然更經常在社交網「放閃」。最近忙於拍攝無綫新劇《多功能老婆》的浩然，日前趁不用開工，化身湊仔公帶住兩個兒子到中環學興趣班，期間等紅綠燈過馬路時，他左右開弓拖實兩個仔，安全至上。

其後三父子行至附近便利店，浩然選購了一些零食及飲品給仔仔，當他排隊付款時，大仔Kayden全程跟住爸爸，但細仔Ransley突然自己行開四圍望，心急的浩然邊畀錢邊?住細仔一舉一動。由於便利店對開是馬路，為免Ransley跑出馬路，浩然付款後即上前「捉仔」，而大仔就乖乖走在爸爸前面，三父子齊齊步往該處一幢商廈。