懵盛盛！NWB攞獎以為個比賽好小事

樂隊Nowhere Boys（NWB）早前到內地參加粵港澳區原創樂隊大賽，憑《狂想曲》及《天外飛仙》贏得冠軍，並參加全中國其中一個最大型的迷笛音樂節。主音Van說：「呢兩首歌好代表到我哋嘅電影式搖滾，參賽嗰陣我哋當自己騷去做，好享受過程。」成員漁佬坦言印象深刻，因為當時又熱又不停落雨：「汗水加雨水好臭！初時等咗好耐，士氣都好低落，不過見到觀眾好熱情咁揮螢光棒就即刻精神番！」

成員Kenneth希望多點了解內地樂隊，大讚他們水準非常高，而評判亦大感頭痛，因此NWB根本沒想過能夠勝出比賽。Van指本來以為比賽在室內以非公開形式進行，沒想到總決賽就像戶外音樂節：「有觀眾、台燈聲、Video Wall，仲有banner同我哋啲相，原來係咁大件事！我哋乜造型都冇，就咁T恤牛仔褲！」成員Hansun指內地觀眾對不同音樂的接受能力很高，很高興有機會大開眼界。

提到大會宣布獎項時，Van笑言他們懵盛盛：「第三名係我哋好鍾意嘅一隊Gothic Metal樂隊，佢哋以死神造型同化妝現身，但我哋以為佢哋係第一，到我哋上到台，人哋恭喜我哋攞第一，我哋都好surprise！評判話好希望聽到煥然一新嘅作品，其中一個係廣州Live House老闆，仲話好歡迎我哋去演出。」