王力宏抱女摸巨肚 李靚蕾自爆隨時生得
20180514
東網電視
更多新聞短片
三個人齊齊摸李靚蕾個巨肚，成個畫面勁溫馨。
台灣天王王力宏與細10歲嘅太太李靚蕾婚後育有兩個囡囡王嘉莉（大女）及王嘉娜（細女），上個月仲宣布太太懷有第三胎，而且今次仲要係囝囝，真係可喜可賀呀！
呢日王力宏就喺社交網晒出太太嘅近照。相中見腹大便便嘅李靚蕾企咗喺樓梯口前，而王力宏就抱住細女同大女，仲齊齊輕撫太太嘅孕肚，見王力宏面帶微笑，相信佢都好期待囝囝嘅來臨！睇見佢哋一家四口咁sweet，一班網民大叫羨慕之餘，仲紛紛為佢哋送上祝福。
不過自從李靚蕾宣布懷孕之後，幾乎絕迹社交平台，今朝一早，佢就忽然「現身」，仲話：「第三個樂隊成員已經在肚子裏開始練鼓了！巡演結束前會組團成功嗎？」喂喂喂，講到咁，唔通真係隨時生得？係就等你好消息喇。
----------------------------
東網巨星開咗ig喇，大家快啲follow啦！