貓掌睇性格　RB大談養貓趣事

樂隊RubberBand（RB）三位成員阿偉、泥鯭及6號出席ViuTV清談節目《晚吹-喵喵喵》大談養貓趣事。三人表示均有養貓，但阿偉的其中一隻愛貓幾個月前離世：「我諗佢應該好開心，生離死別係必然經歷，佢在世嗰時開心就得。暫時唔考慮再養多隻，養寵物係講緣分，養住小朋友先。」

至於泥鯭養有兩隻貓咪，分別六歲與三歲：「其中一隻貓好似狗咁，你拋枝嘢出去，佢會執番嚟畀你，又會遞手，另一隻性格好港女，要人服侍。日本流行從貓嘅掌形睇性格，我覺得好準。」而6號也養有兩隻貓咪，但性格懸殊：「佢哋係兩兄妹，阿哥就好似大王咁，好擺款，勁需要人關注，個妹就比較獨立。（養貓唔養小朋友？）搞掂啲貓先。」問到阿偉有否試過為貓咪寫歌時，他稱未試過，但作歌或彈結他時，貓咪都會走過來，笑言反而女兒唱歌貓咪會嚇到走開。