十字步舞拍賀歲片 薛家燕組池力共鎮戰隊
20180514
東網電視
更多新聞短片
嘩！擁有第七粒寶石的薛家燕，正密謀組織「池力共鎮戰隊」。
藝人薛家燕於將軍澳電視城錄影《流行經典50年》，提到有網民將她額頭的「招牌痣」惡搞成《復仇者聯盟3：無限之戰》的第七粒寶石，她日前更化身「Captain Nancy」，將印有自己樣貌的電影海報放上社交網站，大受歡迎。
薛家燕接受訪問時說：「我個仔公司買咗嗰個盾，佢哋覺得搶我粒痣呢個想法幾搞笑。佢哋半個鐘整完張海報放上網，我都估唔到啲反應咁大，我有好多外國朋友都睇到。有啲問我係乜嘢廣告，有啲問我呢部電影係咪會拍第四集，好搞笑。」
問可會希望拍成電影，她說：「其實唔使我諗，尋日有網民整咗力保池力共鎮嘅團隊，包括古天樂嘅項少龍、周星馳嘅《蓋世豪俠》、王浩信嘅盲俠。我覺得呢個提議幾有創意。（想唔想拍？）最好啦！拍賀歲片就最好，大家開心。」她更笑言如果能開拍，一眾「大俠」必需學識其招牌十字步舞，跳住舞型爆登場。
----------------------------
東網巨星開咗ig喇，大家快啲follow啦！