吳岱融出新歌搞飯局 張兆輝Bobby撐到底
20180515
東網電視
更多新聞短片
吳岱融演得又唱得，掂呀！
「鷲哥」吳岱融演奸角出色就係人都知，但原來佢唱功一樣了得！近日吳岱融推出新歌《我的朋友不簡單》，仲請咗張兆輝、歐陽震華（Bobby）、陶大宇、郭政鴻、廖駿雄及鬼塚6位相識數十載嘅好友客串拍MV與合唱，而藝人林韋辰亦有出鏡，可見「鷲哥」人緣甚廣！
為咗慶祝吳岱融出新歌，昨晚一班圈中好友與唱片公司工作人員就齊齊聚首睇MV首播，而吳岱融老婆鍾淑慧亦有到場打點。一大班食飯、飲酒之餘，仲吹水吹到雞啄唔斷，場面勁熱鬧！