囝囝成桶水照頭淋！陳茵媺冧爆冇嬲豬
20180515
東網電視
更多新聞短片
陳豪同陳茵媺一家五口去咗沙灘玩。
藝人陳豪與陳茵媺婚後誕下兩仔一女，相當幸福。母親節仲一家五口去咗沙灘、同陽光玩遊戲慶祝，好有心思。繼日前陳茵媺上載同囡囡嘅沙灘鍚鍚相後，今日佢又上載咗一條短片，主角係二仔陳浩鋒，見到浩鋒鍚完媽媽後，挺住個小肚腩喺沙灘玩沙，相當可愛。然後佢又用水槍指住阿媽個頭，跟手又拎住個桶將啲水對住陳茵媺照頭淋，陳茵媺冇嬲仲反而笑晒口，相當受落。陳茵媺留言表示一向都唔主張將小朋友嘅正面照公開，不過呢個母親節禮物實在太鍾意，唔可以唔同大家分享咁話喎。
----------------------------
東網巨星開咗ig喇，大家快啲follow啦！