心穎性感晒線 馬國明自爆事先睇過套衫
20180515
東網電視
更多新聞短片
馬國明同心穎齊齊現身宣傳新劇。
藝人劉心悠、蕭正楠、馬國明及黃心穎等下午到將軍澳、出席無綫重頭劇《宮心計2深宮計》宣傳活動，場面熱鬧。陳煒、黃心穎、康華及羅霖等晒事業線性感現身，蕭正楠在台上發言抵死謂：「好想睇番我同心悠嘅啜啜戲，我由細睇佢電影大呀！」
拍住拖受訪
黃心穎與馬國明「拍拖」受訪，對於女友性感現身，馬國明謂：「事先有睇過套衫，佢只係傳相畀我睇。（叫佢下次唔好？）咁大個女，有得唔畀咩？不過佢好有品味嘅。」戲中二人「奉旨談情」，心穎難忘其中一場戲謂：「嗰場戲拍足成晚，大家喊得好犀利，佢對眼腫晒添！」而台上梅小青表示有感心穎有鍾嘉欣影子，馬國明則打趣道：「我又唔覺得似，佢哋兩個各有特式。」
----------------------------
東網巨星開咗ig喇，大家快啲follow啦！