出發加拿大　鍾欣潼講起婚事春風滿面

Twins成員蔡卓妍（阿Sa）及準新娘鍾欣潼（阿嬌），於今日下午大約5時10分戴着黑超、身穿長衫長褲，與兩名助手現身機場起程前往溫哥華舉行巡唱，隨行有十多箱行李，但未見其未婚夫賴弘國現身。現場所見，有幾名Fans已一早到達等候，當Twins一出現，即興奮上前要求自拍，Twins亦好親民咁來者不拒，面帶燦爛笑容合照，心情好好。

之前曾有傳阿嬌將於3場美加巡迴後，於「5.25」在洛杉磯舉行婚前派對，不過記者就留意到阿嬌此行沒有戴上訂婚戒指。問到二人今次去邊？阿嬌就甜絲絲話去美加舉行演唱會，但未婚夫不會捧場，再問到幾時返？阿Sa就撒嬌話做完演唱會就返。之後二人往離境閘口，期間大方讓記者影相，問到阿嬌是否於當地舉行婚前派對？春風滿面嘅阿嬌話：「唔講啦，今次係去美加演唱會，溫哥華、洛杉磯再去多倫多。」問到收咗婚紗未？阿嬌沒有回答問題，着記者小心睇路。

再追問婚事進度時，阿嬌依舊不發一言繼續行，問到今次係咪最雀躍嘅一次演唱會時，阿嬌先再開金口笑話唔係。至於問到阿Sa買咗婚紗畀阿嬌未？她就話：「未呀，未揀。」最後二人於入閘前轉身向記者揮手道別。

----------------------------

東網巨星開咗ig喇，大家快啲follow啦！

https://goo.gl/KGuo2N