余安安細女返學勁貪靚　早兩粒鐘起身梳洗

藝人余安安出席活動，講到抗衰老心得，佢表示：「其實我生咗大女之後一直都冇停咁做運動，一有時間就會做，一個星期做三日，都幾劇烈㗎。」飲食方面她表示其實都幾為食，但會做運動，但平時都食得比較清淡，最重要是飲湯。她亦覺得護膚也很重要，每日會花幾分鐘按摩，每日都會敷mask，覺得勤力就是秘訣。

問到可有感染到女兒都注重護理，她表示：「都有，我細個都教定佢哋防曬好緊要，同埋一定要落妝先瞓，點醉都要落妝先。（佢哋貪唔貪靚㗎？）都貪㗎，我記得好搞笑嘅係細女以前8點3要返到學校，但佢每朝六點鐘就會起身沖涼洗頭化妝，但家姐就會遲一個鐘起身，因為佢唔理，最緊要瞓覺。」

工作方面，她表示今個星期可以休息，遲些就會去上海和北京做舞台劇，其中會首次到北京清華大學演出。