重提做生意破產　李國祥落淚感謝母親

歌手李國祥在麥花臣場館舉行一連三場慈善演唱會的頭場演出，邀得好友漢洋及蘇珊擔任嘉賓。演唱會由小朋友及其他演員演出他的人生故事，包括童年、入行等事，再由他唱出不同歌串連這些經歷。期間他多謝家姐及媽媽，多謝媽媽時更感觸落淚：「爸爸過咗世之後，阿媽冇喺我哋面前喊過，我阿媽讀好少書，佢係賣菜，仲記得佢一手秤咗籮菜喺膊頭嘅畫面，並唔係因為佢捱得，而係我哋一班小朋友等緊佢糊口。」故他很感激媽媽，因她把最好的東西留給仔女，然後唱出《幸運是我》。

李國祥亦重提1995年事業經歷低潮期時去了做生意，但自嘲發覺不識做生意，亦提到做了一生都有少少後悔的事：「就係炒樓，最後仲破咗產，當時匿埋唔想見人，後來去金鐘見破產官，佢話住呢度後面好多人都有嚟搵佢，所以其實好多人都會遇到逆境。」然後唱出《明日話今天》。他亦提到感情生活，笑言要用「超衰」來形容以前的自己：「要人就但又唔滿意，幾乞人憎，但隨住年齡成長就有唔同轉變。好多嘢以前冇諗過會鍾意，但慢慢人大咗對好多嘢有唔同睇法。」他亦講到收養姪仔的故事，笑言有了小朋友後冇晒自由，但亦謂：「我爸爸好早就死咗，我以為自己會有缺失，但點知冇缺失之餘，我嘅愛反而更大。」唱到《愛在地球毀滅時》，他落台與觀眾握手，最後唱多兩首歌，演唱會圓滿結束。