《美女廚房》回歸！單文柔短裙廚師Look迎戰

近期無綫節目《美女廚房》再度回歸，唔少網友都大呼好期待，見前港姐單文柔着住廚師衫並上載至社交網，又係咁食士多啤梨，似乎係為節目進行拍攝。單文柔向東網透露話喺《美女廚房》中擔任美女學徒，每集都遇到唔少難題，她說：「我哋係負責煮暗黑料理，用一啲好奇怪嘅食材，又或者係諗唔到嘅食材，好似榴槤、番石榴或者一啲甜嘅嘢食，攞嚟煮唔同嘅菜式，總之就係望落去好奇怪，但食落就會可能好好食同好有驚喜！」

問到單文柔本身煮嘢食叻唔叻先？佢話以前讀書煮西餐多啲，但依家學緊煮中餐：「依家學煲湯，簡單小菜我都OK，但我本身鍾意煮甜品，因為靚啲，又可以同啲女仔分享。」