泳兒準備出發阿嬌美國婚前P：好難得！

歌手泳兒到電台宣傳新歌，講到再次唱以親情為主題的歌曲，她坦言曾考慮過怕題材太重複，但當想到能透過歌曲為別人發聲便覺得好有意義，所以雖然知道歌曲並非商業及K歌類型，但亦會照唱。泳兒相信新歌能引起不少人共鳴，更指不少人看完MV後感動落淚。

自認對男友囉嗦

泳兒又透露父親是緊張大師，每件事都會重複說三次以上，所以覺得他很囉嗦。但之後泳兒漸漸發現自己都同樣因緊張家中的愛犬而對男友囉嗦，例如要男友記得出街要拖實狗帶避免狗狗走失，又叫他小心不要被狗狗誤食朱古力引致中毒等等。

曾畀父親跟蹤

再講到父親時，泳兒踢爆父親亦曾緊張到跟蹤她，她笑言當時已入行，有次和父親買完東西後，她便行去搭車開工，父親提出陪她行去地鐵站，但泳兒說不用，但之後發現父親偷偷於背後跟着她，當她一擰轉頭時，父親就即閃身走，泳兒謂：「當時覺得好肉酸，但人大咗，就慢慢體諒做父親嘅感受。」

唔急揀阿嬌結婚禮物

另外，講到Twins到美加開巡唱，之後鍾欣潼（阿嬌）會在當地開結婚派對，問到泳兒可會準備飛過去？泳兒稱會去睇。至於講到阿嬌的結婚派對，她就笑言：「唔知喎！你哋會唔會去呀？咁Party都係開心事，因真係未試過成班人咁係外地開Party機會，係好難得！禮物就慢慢揀啱先買，唔急嘅。」