林志穎細仔勁生性　幫哥哥冚被又送吻

台灣男星林志穎向來都係顧家好男人，不時都喺網上大晒家庭溫馨照。呢日志穎就喺社交網上載一段Kyson叫醒哥哥起身嘅片，片中見到眼仔睩睩嘅Kyson走向哥哥身邊，拍拍哥哥，之後見佢無反應就再錫咗哥哥一啖兼喺度笑，呢個香吻果然有效，哥哥即刻醒咗，但係一秒就再瞓過，所以愛錫哥哥嘅Kyson，就決定幫佢冚被，畀佢繼續再瞓，畫面相當有愛，難怪志穎都好羨慕話：「我也想每天這樣被叫起床，真是乖巧的弟弟，還幫哥哥蓋被子，果然是我的驕傲。」網民都大讚Kyson萌到爆，仲話佢哋感情真好，相信志穎同太太都可以放心晒！