孖好友做Gym!神隱言承旭證實做「老竇」

2018年05月17日 11:50
東網電視
更多新聞短片
言承旭現身喇!

台灣型男言承旭(Jerry)去年底被爆與林志玲疑復合,不過卻遭林志玲否認戀情,兩人關係又再撲朔迷離。神隱多日嘅言承旭,呢日就畀好友劉畊宏踢爆現身上海,劉畊宏喺微博甫出與言承旭做Gym嘅合照,仲留言:「好兄弟……我的地方就是你的地方!」

相中言承旭戴上Cap帽、着上黑T大晒臂肌,粉絲見到都好興奮咁留言:「失蹤人口又冒出來啦」、「低調的Jerry總是出現在朋友的微博裏」、「謝謝畊宏哥給的福利!」,仲有人夠膽TAG埋林志玲添!

另外,近日亦有粉絲遇到言承旭拍節目,期間言承旭勁親民,影相簽名紛紛有求必應!據知言承旭亦證實將參加內地真人騷《放開我北鼻3》,喺節目內做一個實習爹哋,令粉絲十分期待。