個幾星期使廿萬！黃翊為醫腎病太太勁頻撲
20180517
東網電視
更多新聞短片
黃翊出席洗腎中心記招。
歌手黃翊以嘉賓身份出席洗腎中心記者招待會，他表示太太陳存正是腎病患者，在大半年前腎臟突然差得很快，在沒辦法的情況下需要洗腎。他直言自己在這段時間非常頻撲，在太太開始有事時感到不知所措：「喺私家醫院住個幾星期已經使咗20萬，但其實唔係真係咁多錢可以使，有朋友都建議官立醫院其實都好好。」他聞言後便帶太太到瑪利醫院治療，由於從私家醫院轉到官立醫院，他表示環境好唔習慣，需要適應：「幾辛苦！好彩太太都叫捱得到。」
考慮去内地換腎
黃翊表示當時太太腎臟的毒素過千，頗為危險，甚至影響到眼睛視力朦朧，擔心對方會盲：「嗰期老婆喺醫院洗咗兩三個月血，依家轉咗要洗肚，有部機喺屋企洗。（會安排換腎？）絕對需要，依家太太都輪緊，但覺得輪唔到，要自己搵其他方法。」他指有計劃帶太太到其他地方進行換腎，發現內地換腎好流行，技術絕對唔差過香港：「但太太身體未穩定，暫時唔會郁住，驚有排斥會出人命，唔敢亂嚟。」黃翊指太太洗肚過程辛苦，但最近精神唔錯，更可以自行揸電單車探望媽媽。他表示太太沒甚麼壞習慣，唔煙唔酒，但當個病出現就要接受：「好彩阿仔都大個仔，照顧到自己，可以自行返學，其實幫輕好多。」
讚西城秀樹高大
談及日本歌手西城秀樹因心臟衰竭離世，黃翊表示對方在80年代紅極一時，當年學唱日文歌時，好早便學識《Careless Whisper》：「日本人嚟講佢好高大，跳得唱得，佢20幾年前嚟香港開演唱會，我都有睇，走咗都好可惜。」
----------------------------
東網巨星開咗ig喇，大家快啲follow啦！