新歌主題變態 胡鴻鈞:我內心有呢隻鬼

2018年05月17日 16:01
東網電視
更多新聞短片
胡鴻鈞笑言新歌有啲變態:「我內心有呢隻鬼。」(設計圖片)

歌手胡鴻鈞(Hubert)到電台宣傳新歌《偷聽情歌》,邀請了歌手方皓玟作曲,Hubert話一直都好欣賞對方的作品,今次又想同新嘅音樂班底合作,所以就同咗公司講,由公司做主導。問同樣作過曲嘅Hubert下次可會挑戰埋作詞?他即刻耍手擰頭,笑笑口話唔想獻醜:「自己曾經寫過,但睇番好似小朋友,冇一定水平、修養都好難寫得出,信心都唔係好大,都係努力啲先。」

迷戀女生有仙氣

Hubert話新歌嘅MV都係同一日出街,可以畀Fans喺各大音樂平台第一時間聽到:「所以今次準備嘅時間都幾長,要一次過出。」講到新歌,他笑言其實內容好變態:「係講一個男仔好癡迷一個女仔,雖然可能只係見過一面,但會有好多幻想。(咁你係唔係都係咁?)我內心有呢隻鬼,但冇做出嚟,咁都希望同自己鍾意嘅人有接觸。」

他亦有分享一次的「癡迷」經驗:「之前返學都會等一個女仔,大家都喺同一個車站上車,嗰時好情竇初開咁。(最後有拍拖?)冇呀,但就有識到,不過都唔記得點識,之後識咗大約大半年到啦,佢好有仙氣。」



----------------------------
東網巨星開咗ig喇,大家快啲follow啦!
https://goo.gl/KGuo2N