訪問偶像超緊張 賈思樂讚西城冇架子
20180517
東網電視
更多新聞短片
賈思樂在《歡樂今宵》節目上訪問西城秀樹，他表示當時超級緊張，係喎！睇片都睇得出。
資深藝人賈思樂（Louis）對西城秀樹病逝感到惋惜！早在廿七、八年前他在《歡樂今宵》節目中曾有幸訪問過西城秀樹，Louis說：「因為嗰時《歡樂今宵》有Part叫做激光旋律，係專介紹一啲歌手，當時好多日本歌手出碟或嚟香港開演唱會，一定會上《歡樂今宵》呢個節目，嗰日咁啱編咗我做，我仲記得當時係我同拉姑（狄波拉）、何B（何守信）一齊訪問佢同梅艷芳。」
曾經中過兩次風
Louis坦言當時他好緊張，因為西城秀樹都是自己的偶像：「真係好懷念，對佢嘅死訊我覺得好shock，佢得60幾歲咁後生，話佢死於心臟病，佢都好fit啫，點解冇經常check住（身體）？我知佢中過兩次風，可能係因為咁。」
翻唱偶像《YMCA》
Louis大讚西城好nice，完全冇架子：「我又唔識日文，佢又唔識廣東話，當然訪問時啲問題畀過佢，但佢好有禮貌，我仲記得喺木人巷（《歡樂今宵》直播錄影廠外的小道）邀請佢影合照，係好有紀念價值，但突然間我摷唔番張相。」當年Louis亦翻唱灌錄過西城的《YMCA》英文版，因為他同唱片公司要求：「我好仰慕佢，所以我揀咗一首西城嘅歌。」
----------------------------
東網巨星開咗ig喇，大家快啲follow啦！