未試過小鮮肉 佘詩曼搵另一半要溝通到
20180517
東網電視
更多新聞短片
佘詩曼話未試過同小鮮肉拍拖。
藝人佘詩曼穿上粉紅色西裝現身品牌活動，早前傳出她感染寨卡病毒，她澄清只是嚴重感冒，看完醫生現已痊愈：「當時全身好痛，攤喺屋企，郁唔到，自己好驚，當時喺香港，擔心返唔到工，媽咪都有照顧我，日日都食粥，自己都唔知點解會咁。」問到患病時會否想有男仔照顧？她表示冇想過，只在想幾時可痊愈。
提到好姊妹梁靖琪蜜運中，會否叫對方介紹男仔？她說：「佢嗰啲太細個喇，唔啱我。（鍾意大啲、成熟啲？）要溝通到。（小鮮肉追你？）冇留意呀。（唔接受姊弟戀？）冇話唔接受，我未試過，但如果畀我揀，我就未必會咁選擇。（有年齡限制？）自己都冇計，兩個人一齊要溝通到，有方向就Ok，太細個人生經歷唔豐富，話題都唔多。（想係做呢行？）隨緣啦。」問到現在會否好Dry？她直言現在生活得開心。
----------------------------
東網巨星開咗ig喇，大家快啲follow啦！