出動雪糕攻勢 舒淇氹唔掂小妹妹

2018年05月17日 19:50
東網電視
更多新聞短片
阿妹笑吓啦!!

女星舒淇向來都好有小朋友緣,除咗好友張震嘅囡囡之外,舒淇經常都畀其他好友嘅小朋友「圍攻」,可見佢有幾受小朋友歡迎!不過小朋友界嘅人氣王,都會有滑鐵盧嘅一日,舒淇今日就喺社交網晒出多張抱住小朋友嘅相,並留言:「現在小孩很難騙內⋯⋯⋯ #現代人還知道吧卟嗎?#古仔的味道」

戴住帽嘅舒淇單手抱住個小妹妹之餘,仲拎住杯雪糕,真係好有媽媽嘅味道!雖然舒淇笑晒口,不過佢懷中嘅小妹妹就似乎冇乜mood,而且仲耷耷咁望住地下添。就算舒淇拎住杯雪糕放喺個小妹妹面前,佢都好似無動於衷,搞到舒淇個樣都好似有啲燶燶哋。一班網民都笑言可能係杯雪糕唔啱個妹妹口味,仲有人話舒淇個樣好惡,搞到個妹妹唔識笑。