拍拖10年 湯怡唔急嫁洪卓立:我仲細個

20180517
東網電視
更多新聞短片
湯怡同洪卓立拍拖十年,
藝人湯怡(Kathy)出席英皇電影《某日某月》特別場活動,她對於日前到《某》優先場謝票時,見到能夠讓男觀眾流淚大感驚喜:「套戲好感人,好多親情,或者大家經歷過遠距離戀愛,同啲校園故事會有共嗚。(有冇試過Long D?)真正未試過,但我接受到,人大咗反而覺得有空間同距離感會好啲,日見夜見會變咗理所當然嘅習慣。」
問是否唔想太依賴男友洪卓立?Kathy直言自己一直好獨立,通常會擔住照顧人的角色:「我係做男士嗰方多啲。(見得多會鬧交?)又唔會,細嗰或者會發咗脾氣先,但依家成熟咗會大家溝通,有問題拎出嚟講。(可以談婚論嫁?)未到呢個年紀,仲好細個,對我嚟講真係唔急,自己唔係恨嫁嗰類,定你哋驚我嫁唔出。」
未到35歲唔會結婚
雖然與洪卓立拍拖已經十年,但Kathy表示現階段是工作黃金時期,未到35歲不會考慮結婚。問會否擔心一齊太耐火花沖淡?她說:「擔心唔嚟,愛情對我嚟講未係第一位,事業同家庭會行先。(佢聽到會唔會唔開心?)唔會啦,知道大家呢幾年要做嘢先。」她表示現今科技發達,方便與另一半聯絡,反而會幾懷念90年代的愛情,會更珍惜見面時間:「以前冇得見就冇得見,仲會成日煲電話粥,但依家會對電話來電有恐懼。」
----------------------------
東網巨星開咗ig喇,大家快啲follow啦!