重拾初戀回憶　韋綺姍自認男仔頭唔浪漫

藝人韋綺姍及黃寶欣出席英皇電影《某日某月》特別場活動，二人皆表示支持導演劉偉恒到來，在現場勾起以前讀書時期的回憶：「見到海報一男一女都勾起以前初戀，嗰時16、7歲，仲讀緊中學。」問當時浪唔浪漫？韋綺姍說：「唔浪漫，自己性格比較男仔頭，有男仔追你感覺好似同個男仔拍拖咁。」黃寶欣表示當時資訊尚未發達，會攬住枕頭等對方電話：「好難周圍都搵到電話，就算約人等，人哋唔嚟都冇得催，以前係比較苦戀啲。」

韋綺姍回想18歲時已經開始到社會工作，遇到一個男仔真係「追」佢：「成日想約我出街，但嗰時番工要唱歌，梗係瞓飽先，但佢真係等㗎喎。（會好感動？）會，竟然有男仔可以咁，最後佢等咗成個月我先肯出。」