骨頭開始硬!黃曉明做早操力有不逮

2018年05月18日 03:46
東網電視
更多新聞短片
條腰真係好緊要架!

內地藝人黃曉明平時雖然好似Cool Cool哋,但其實都有天真可愛嘅一面。呢日佢去到一個空曠嘅地方,突然心血來潮做起早操。佢先伸展手腳,再不停向左扭、向右扭,但係當佢想彎腰嘅時候,就似乎有少少力有不逮。佢亦喺社交網發文指本身諗住做早操重拾兒時回憶,點知就發現自己老了:「如果你到了我這歲數想通過這個追憶青春,你的腰不一定能答應」,即獲網民留言叫佢錫住條腰。